சாதாரண பரீட்சை மற்றும் உயர்தர் கல்வி கட்டமைப்பில் மாற்றமா? பாராளுமன்றத் தெரிவுக்குழு விசேட பரிந்துரை

க.பொ.த சாதாரண தரத்தை 10ஆம் தரத்திலும், க.பொ.த உயர்தரப் பரீட்சையை 12ஆம் தரத்திலும் நடத்தப்பட வேண்டும் என பாராளுமன்றத் தெரிவுக்குழு பரிந்துரைத்துள்ளதாக நீதியமைச்சர் விஜேதாச ராஜபக்ஷ நேற்று(22) தெரிவித்துள்ளார்.

அத்தோடு பல்கலைக்கழக மானியங்கள் ஆணைக்குழு மற்றும் தொழிற்பயிற்சி அதிகார சபையை இல்லாதொழிக்க முன்மொழியப்பட்டுள்ளதாக அவர் மேலும் தெரிவித்துள்ளார்.

இருப்பினும், சுதந்திரமான தேசிய கல்வி ஆணையத்தை நிறுவ முன்மொழிந்துள்ளதாகவும் நான்கு துறைகளின் கீழ், கல்வியை உயர்த்துவதற்கான பரிந்துரைகளை குழு முன்வைத்துள்ளதாகவும் அதன் தலைவர் நீதி அமைச்சர் விஜயதாச ராஜபக்ஷ தெரிவித்துள்ளார்.

இதன்படி, நாட்டில் உள்ள அனைத்து பல்கலைக்கழகங்கள் மற்றும் உயர்கல்வி நிறுவனங்களும் ஒரே தரத்தில் கண்காணிக்கப்பட்டு பதிவு செய்யப்படும் என தெரிவிக்கப்பட்டுள்ளார்.

மாகாண பல்கலைக்கழகங்கள், நிகர்நிலைப் பல்கலைக்கழகங்கள் மற்றும் உயர்கல்வி நிறுவனங்கள், தொழிற்கல்வி மற்றும் தொழிற்கல்வி பல்கலைக்கழகங்கள், தரத்தை உறுதி செய்ய கண்காணிக்கப்படும். இது தவிர மாணவர்கள் 10ஆம் வகுப்பில் கல்விப் பொது தாராதர பரீட்சைக்குத் தோற்ற வேண்டும் எனவும், உயர்தரப் பரீட்சையை தரம் 12 இல் நடத்தவும் பரிந்துரைக்கப்பட்டுள்ளதாகவும் அவர் மேலும் தெரிவித்துள்ளார்.

உயர் தரத்திற்கு தகுதியில்லாத மாணவர்களுக்கு தொழில்சார் படிப்புகள் மூலம் பட்டப்படிப்பு வரை கல்வி பெறுவதற்கான வாய்ப்பை வழங்கவும் குழு முன்மொழிந்துள்ளது. அதற்காக, ஆணைக்குழுவின் மேற்பார்வையில், தனியார் துறையினரை ஊக்குவித்து, அவர்களுக்கும் நிவாரணம் வழங்குவதற்கான முன்மொழிவுகள் முன்வைக்கப்பட்டுள்ளதாவும் நீதி அமைச்சர் விஜயதாச ராஜபக்ஷ தெரிவித்துள்ளார்.

Author

Leave a Reply

Your email address will not be published. Required fields are marked *

Back to top button